Қазақстанның Радиоспорт және Радиоәуесқой Федерациясы

2023 жылдың 20 сәуірі күні Астана қаласында, Қазақстанның радиоспорт және радиоәуесқой федерациясының 7-ші Конференциясы өтті. 

Конференцияға еліміздің 10 аймағынан 16 делегат келіп қатысты. Оның ішінде еліміздің 3 аймағынан делегаттар құзіреттерін басқа аймақтарға беру арқылы, 4 аймақтан онлайн видеоконференция арқылы қатысып отырды.

Конференция күнтәртібінде қаралған мәселелер:

1. ҚРРФ атқару комитетінің 2020 – 2022 жылдары аралығындағы атқарған жұмыстарының барысы туралы.
2. Радиоспортты дамыту туралы 2020 – 2022 жылдарға арналған кешенді-мақсатты бағдарламаның орындалу нәтижесі туралы.
3. Ұйымдастырушылық мәселелері.                                                        

Конференцияның күнтәртібіндегі қаралған барлық мәселелердің орындалу барысы бойынша қанағатанарлық деген баға бірауыздан қабылданды.

Конференция 20 сәуір күні, күннің соңына қарай өз жұмысын аяқтады.

Қатысушы командалардың қажетті саны болмауына байланысты жоғары жылдамдық телеграфиядан ҚР чемпионаты өткізілмейтін болды.  

ҚРРФ атқару комитеті  

Құрметті достар!

2023 жылдың 18 қаңтарында Астана қаласындағы №64 мектеп-лицейде UN7ZZA мектеп әуесқойлық радиостанциясы өз жұмысын бастады. Радиостанция жетекшісі Асаубай Сейткүл Жексенұлы, UN7ZA.

Мектеп үйірмесіндегі балалар радиобайланыстан басқа спорттық радиопеленгациямен және жоғары жылдамдық радиотелеграфиямен де айналысады.

ҚРРФ Атқару комитеті