Құрметті достар!
Сіздерді Жаңа 2022 жылмен шын жүректен құттықтаймыз! Сіздерге келіп жеткен 2022 жаңа жылда жағымды жаңалықтар мен толағай табыс тілейміз! Әрбір игі істер мен жаңа бастамаларыңызға сәттілік серік болып, отбасыңызға баянды бақыт пен бақ – береке келсін!
Жаңа 2022 жыл бақыт, шаттық, қуаныш, құт – береке әкелсін! Жаңа 2022 жылда ырыстарың көп болып, табыстан табысқа жете беріңіздер! Жаңа 2022 жылдағы жоспарларыңыз іске асып, тілектеріңіз орындалсын!
ҚРРФ атқару комитеті
Құрметті әріптестер, қадірлі достар!
Тәуелсіздік – жүздеген жылдар бойына жанкештілікпен, қайсарлықпен жүргізілген қанды шайқастардың, қазақтың қанымен, көз-жасымен келген аяулы да, ардақты, екі дүниедегі баға жетпес байлығымыз!
Тәуелсіздік – қайта өмірге келу. Жаңғыру. Ұлттық ояну. Және Тәуелсіздіктің бағасына жетіп, оны аялай білу.
Құрметті, асылтекті Алаштың мәңгі жасар ұрпағы! Ұлы даламыздағы ең ұлы мерекеміз – Тәуелсіздік күні ел мен жердің ырысы молайсын! Тәуелсіздік үшін күрес бір сәтке де тоқтаған емес! Тоқтамайды да! Өйткені, Азаттықтың әр таңы Алаш баласынан қадіріне жетуді, қажет болса, қасық қаны қалғанша қорғауды талап етеді.
Тәуелсіздіктің туын тік ұстап, ұрпақтарға аманаттап отыру исі қазақтың қасиетті парызы екенін әрбір қазақ естен шығармауы тиіс! Азаттық үшін күрескен азаматтардың рухына мың тағзым!
Ең ұлы мерекеміз – Тәуелсіздік күні құтты болсын!
ҚРРФ атқару комитеті
Құрметті достар!
Бүгін, 16-шы сәуір күні, Қазақстанның Радиоспорт және Радиоәуесқой Федерациясының құрылғанына 14 жыл толып отыр. Мерекелеріңіз құтты болсын!
Сіздерге Қазақстан радиоспорты мен радиотехникалық шығармашылығының дамуына 21 ғасырдың соңғы 14 жылындағы қосқан үлестеріңіз үшін зор ризашылығымызды білдіреміз!
Келешекте де, еліміздің радиоспорт саласындағы абыройлы істеріңіздің ырысы мен берекесін көрулеріңізге, дендеріңіздің сау болып, жаңа белестерге жетулеріңізге тілектеспіз!
Ізгі тілекпен,
ҚРРФ атқару комитеті
