Қазақстанның Радиоспорт және Радиоәуесқой Федерациясы

Бұқаралық-спорттық іс-шаралардың 2022 жылға арналған күнтізбелік жоспарына сәйкес, 2022 жылғы сәуір айының 22-24 аралығында Нұр-Сұлтан қаласында, Жоғары жылдамдық радиотелеграфиядан Қазақстан Республикасы чемпионаты өтті.

Чемпионатқа еліміздің 8 аумағынан 22 спортшы келіп қатысты. Командалық есеп бойынша 1-ші орынды Солтүстік Қазақстан облысы, 2-ші орынды Нұр-Сұлтан қаласы, 3-ші орынды Шығыс Қазақстан облысы командалары иеленді.

Қазақстан Республикасының Чемпионаты өзінің техникалық қамтамасыз етілуі халықаралық стандарттарға сай және ұйымдастыру жағынан жоғары деңгейде өтті.

Бұл жарыстың өткен жылдардағы жарыстардан ерекшелігі, жарыс төрешілігі электронды цифрлық форматта жүргізілді және жарысқа қатысушылар арасында жас спортшылардың көбеюі болды.

Құрметті әріптестер және қымбатты достар, сіздерді Қазақстанның радиоспорт және радиоәуесқой федерациясының құрылған күнімен құттықтаймыз!

Бүгін ерекше күн, өйткені осыдан 15 жыл бұрын, дәл осы күні біздің бірлестік құрылған еді!

Сіздермен бірге жұмыс істеген жылдар ішінде біз ынтымақпен көптеген жетістіктерге жеттік! Федерациямыз жаңа белестерді игеріп, жеңістерге жеттік!

Біздерге әрқашан сәттілік серік болсын, федерациямыз одан әрі гүлдене берсін, ал әрқайсыңызға жақсы денсаулық, бақыт, махаббат және отбасылық береке тілейміз.

ҚРРФ атқару комитеті

Қазақстанның Радиоспорт және Радиоәуесқой Федерациясының атқару комитеті, Нұр-Сұлтан қаласындағы «FREE FLIGHT» баспасынан «Спорттық радиопеленгация және радиоспорт» кітабының шыққанын хабарлайды. Бұл оқу – әдістемелік құрал, осы тақырыпқа арналған қазақ тіліндегі алғашқы еңбек болып табылады.

Шығарманың авторы – Қазақстанның Радиоспорт және Радиоәуесқой Федерациясының президенті Асаубай Сейтқұл Жексенұлы.

Әдістемелік құралда радиоспорттың жалпы және техникалық негіздері берілген, сонымен қатар қазіргі кездегі спорттық принциптері көрсетілген. Спорттық радиопеленгацияның ерекшеліктері ескеріліп, жаттығулар мен жарыстарды жүргізу құрылғылары мен ұйымдастыру процесі көрсетілген.

Шығарма қазіргі күнгі талаптарға сәйкес құрастырылған, енгізілген ақпараттар жеткілікті, теориялық және тәжірибелік мағнасы бар. Оқу – әдістемелік құрал спорттық мектептердің, орта мектептер мен жоғары оқу орындарының спорт үйірмелері мен секцияларының ұстаздары мен спортшыларына ұсынылады.

Кітап, Қазақстанның Радиоспорт және Радиоәуесқой Федерациясының атқару комитетінің шешімімен бекітіліп, басылымға ұсынылып отыр.

ҚРРФ атқару комитеті