Астана қаласындағы келесі мекенжайларда, Қазақстанның радиоспорт және радиоәуесқой федерациясының жаңа оқу-әдістемелік орталықтары ашылғанын хабарлаймыз:
1. Білім парк, Достық көшесі, 14, ЖК «Нұрсая», 1-қабат
2. Білім парк, Железнодорожный ш/а, Ж. Жабаева көшесі, 14
Оқу орталықтарында радиоспорт бойынша, мектеп оқушыларына арналған келесідей оқу үйірмелері ашылған:
1. Қысқа толқындағы және ультра қысқа толқындағы радиобайланыс.
2. Жоғары жылдамдықты радиотелеграфия.
3. Спорттық радиопеленгация.
4. Ұшқышсыз ұшу аппараттарын басқару.
Оқу методикалық орталықтар, қалалық техникалық шығармашылық орталығында орналасқан және Қазақстанның радиоспорт және радиоәуесқой федерациясы мен техникалық шығармашылық орталықтың күш-жігерінің арқасында барлық қажетті жабдықтармен және аппараттармен жабдықталған.
Қазіргі уақытта орталықта UN7ZWW радиостанциясы, жоғары жылдамдықты радиотелеграфия, спорттық радиопеленгация және ұшқышсыз ұшу аппараттарын басқару үйірмелері жұмыс істейді.
Бірлестіктің барлық конференциялары, кездесулері, семинарлары, курстары, спорттық жарыстары және басқа да іс-шаралары сол жерде өткізіледі.
ҚРРФ атқару комитеті
